Ka Viksit Bharat Sankalp Yatra (VBSY) ka dei ka prokram jong ka sorkar kmie kaba la pyniaid kylleng lyngba ki kali ban ai ka jingpynsngewthuh paidbah ia ki prokram sorkar bapher bapher bad ruh ban kyrshan ia ki paidbah ban ioh ia ki lad jingiarap.
Mynta ka sngi ha nongbah Shillong la pynlong ha ki ar tylli ki jaka kawei ka Don Bosco Square bad kawei ha Khyndailad (Police Bazar). Ki paidbah kiba don ha kine ki ar jaka kila iapoi ban sngap ia ki jingbatai bala pynsngew da ki kynhun kiba la shemphang. La pynlong ruh ia ki jingjurip halor ka koit ka khiah khlem da hap ban siew dor, ka jingpynioh ia u Aadhaar bad ka jingpynthymmai ia uba la don lypa, ka jingpynioh LPG, ka jingpynioh ia ki card halor skhim Ayushman Bharat, ka jingpynioh ram lyngba ka PM SVANidhi skhim bad kiwei de.
Ha kane ka prokram kala don ruh ka jingshim soskular ban pynlong ia ka ri India ka ri kaba roi ba par bad ka bor ban shaniah ha lade hapoh u snem 2047. La sam ruh ia ki certificate sha ki nongioh bynta jong ka PM SVANidhi.
