Katkum ka kaiphot ba la pynmih da ka United Nations Population Fund’s State of World Population, kala pyni ba ka jingbun ki briew ha ri India kala nangkiew nangkiew bad kan kynjoh sha ka 1.428 billion ngut hapdeng jong u ne u snem 2023 bad kan tam noh ia ka ri China da 3 million kaba don mynta 1.425 billion ngut ki briew.
Ka kaiphot ka pyni ba ka jingkha jingpun hapoh ka ri India ka long 2.0 katba ka China ka neh da 1.2 katkum ka rukom lum jingkhein.
Kane ka jingiohknieh ka India ia ka China ha ka jingbun briew ka long ba katkum ka jinglum jingkheiñ ha ri China ki ba bun ki nongshong shnong ki dei kiba la heh ka rta bad duna ka jingkha khunlung, katba ha India pat kiba bun ki dei ki briew kiba ha ka rta kaba dang khlaiñ ne samla bud sa ka jingroi ha ka kha ka pun bad nalor kata ka jingduna jong ka jingkhlad ki khunlung hapoh kine ki 30 snem.
Katkum kane ka kaiphot ka pyni ba ka jingdon jong ki briew hapoh India ha ka rta kaba 0-14 snem ki don 25 %, ha ka rta kaba 10-19 snem ki don 18 % ha ka rta kaba 10-24 snem ki don 26 %, ha ka rta kaba 15-64 % ki don 68 % bad kiba don ha ka rta kaba 65 snem shaneng ki don tang 7 %.