Ka Mynsgat SC mynta ka sngi ka ioh ban rah ia ka nam lahduh hadien ba kala lah ban pynliem ia ka Nick FC da 1-0 kol ha ka jingialehkai Final Football Tournament ha Nartiang ba la pynlong da ka FKJGP Nartiang Area Unit bad kala ioh khung syndon ia ka khusnam kaba shongdor haduh Rs.2 Lak tyngka.
Ia kane ka Tournament la wan ban pynhap pyrda da u Ma Sniawbhalang Dhar Myntri ka sorkar jylla, ha ka jingiadon lang u Bah Kitboklang Nongphlang uba long ruh u Chief Organising Secretary Central body ka FKJGP kum u guest of honour, la iadon lang ruh u Bah Tuesday Lytep President FKJGP Jaintia, samla D.S War Chief Organising Secretary FKJGP Jaintia.
Ia kane ka Tournament la ai kyrteng da ka “Mar Phalangki knock out football tournament” bala pyniaid da ka FKJGP Nartiang Area Unit.
Ha kane ka jingiakhun ia ka khusnam Man of the Match la ioh rah da u Stephanson Pale u player ka Nick FC, iaka nam Best Goalkeeper la ioh rah da u Rajat Paul Lyngdoh jong ka Mynsgat SC. Kiba jop ha kane ka tournament kila ioh rah ia ka song pisa ba 2 lak bad trophy, runners up 1 lak bad trophy, iaki khusnam la sam da u Ma Evening Son Tron MDC Nongjngi lem bad u bah Kitboklang Nongphlang Chief Organising Secretary FKJGP Central body.