Ka Khasi Students’ Union (KSU) West Jaiñtia Hills District Unit mynta ka sngi hapoh ka jingïalam u President samla Laitphar Syngkrem, samla Chanbor War Vice President, samla Balawantei Suchiang Assistant General Secretary lem bad ki para dkhot kila leit ban khynra naphang ïaki briew kiba dei ki Bar Jylla kiba wan sah be aiñ bad buh dukan be aiñ hapoh ka sor Jowai.
Ha kane ka jingleit khynra la don ki dukan ba lah khang lypa shwa tang shu ïoh jingtip ban wan khynra mynder daka seng KSU, ha kaba ka seng kala phiah haduh 5 kynhun ban leit khynra kynsan.
Ha kane ka jingkhynra la shem ba kiba bun hi ki dukan kidei ki bym don ïa ki kot ki sla ban pynshisha lane wat tang ka Epic Card jong ki ruh kim don lait noh tang ïa ka NOC bala ai da ka Dorbar Shnong kumta ka Seng ka la phah khang khyrdep lut ïa baroh kitei ki dukan.
Ha kane ka jingkhynra dukan Bar jylla ka KSU ka pynpaw ka jingsngewsih kalong ba la don pat u wei na ki Nongïalam kynhun sengbhalang uba la kloi ban wan kam trai ïa ki dukan bar jylla nalor ba kita ki nongtrei kim shym la don ki kot ki sla kiba shisha ban pyntikna ba ki dei ki nong India. La pynkut ka kyrwoh bala phah da Samla Juhhi Tariang uba dei u Information & Publicity Secretary ka KSU West Jaiñtia Hill District Unit.
