U Chairman, District Disaster Management Authority (DDMA) & Deputy Commissioner, East Jaiñtia Hills District, u Abhilash Baranwal, ISA, u la pyntip ba ki bor District ki long kiba la kreh na ka jingwan lynshop jong ki bor mariang la ha Kano Kano ka por. U la pyntip ruh ba ha kine ki khyndiat sngi la dep ban thaw ïa ka kynhun ai jingiarap kyrkieh haba wan lynshop ki bor mariang ka District Incident Response Team (DIRT), East Jaiñtia Hills District bad ong ruh ba kane ka kynhun ka la long ba la pynkhreh ban ai jingiarap ïa ki lanot kiba iakynduh jingeh ha ka jingshah lynshop ha ki bor mariang bad la ai jingmut ruh ba donkam ban ai jingtip kham kloi lada don kano kano ka jingshah lynshop ha ki bor mariang khnang ba ka kynhun kan ioh ban ai jingiarap mar mar ban lait na kano kano ka jingjia ba sngewsih ban lait ruh na ka jingduh ïa ki mynsiem briew bad jingduh ki tiar ki tar bad kyntu ruh ïa ki paidbah ba ki dei ban long kiba phikir bha ha baroh ki por.
La pyntip ruh ba baroh ki tnat sorkar hapoh ka District ki la long kiba la khreh ban ai ka jingïarap ba mar mar kum ki tyllai, ki tubes, ki life jackets, ki lyntang ne ki dieng, ki JCBs, ki tiar ot dieng bad kiwei kiwei ki tiar ban ïarap ïa ki lanot.
Kumjuh ruh, la ong ba lada donkam jingïarap kyrkieh ki briew ki lah ban phone mar mar sha ka District Disaster Help Line Number, 1077/ 03655295142, lah ruh ban phone sha ka District Disaster Management Officer ha u number 9774124321 bad ruh sha u Block Development Officer, Wapung C&RD Block ha u number, 7005877634, Block Development Officer, Lumshnong C&RD Block, number 8794255590 bad sha u Block DevelopmentOfficer, Saipung C&RD Block, ha u number 9612106744.U Chairman, District Disaster Management Authority (DDMA) & Deputy Commissioner, East Jaintia Hills District.
La ong ruh ba katkum ka jingbatai ka Indian Meteorological Department, Meteorological Centre, Shillong la ong ba kan sa don ka jingbeh lyer kaba jur bad ka jinghap slap kaba jur bha ha ka 27 tarik, 28 tarik bad 29 tarik mynta u bnai Jymmang 2024 ha ki katto katne tylli ki jaka ha East Jaiñtia Hills District.