-Maham ki stad saian ba lah ba khih u jumai ba 9 Magnitude ha ki bynta jong ka duriaw Pacific-
Ha ka miet jong ka sngi Palei bad ka kynjat shai jong ka sngi Thohdieng ka ri Nepal kala mat ia ka jingshah pynkhynñiuh haduh arsien arwat ha u jumai u bym da khlaiñ than ka bor.
Katkum ka khubor sorkar jong ka ri Nepal lyngba ka tnad National Center for Seismology kala iathuh ba ka jingkhynñiuh jong u jumai ba nyngkong kala jia ha ka por 11:43 PM bad une u jumai u don ka jingkhlaiñ kaba 4.4 Magnitude.
Uwei pat u jumai ba kham khlaiñ bor da 5 Magnitude ula khynñiuh ha ka por 01:15 AM.
Ha kiwei pat ki bynta jong ka ri Nepal ha ka District Surkhet kane ka jingkhynñiuh jong u jumai ka kham tam da 4.9 bad 5.9 Magnitude iathuh shuh shuh ka khubor sorkar.
Ha kane ka jingjia ym don kano kano ka jingduh jong ki mynsiem briew.
Ha kawei pat ka khubor ki stad peit jumai ki pyntip ba kan sa don ka jingkhynñiuh jumai ba khlaiñ bha ha ki bynta jong ka duriaw bah Pacific Ocean ha ki sngi ban wan. Kine ki stad kila lap ia ki katto katne ki dak ki shin ba la don ka jingmih jong ka um khluid lyngba kawei ka thliew na shatrai jong kane ka duriawbah. Ka jingkhynñiuh kaba lah ban mih nangne kan kot haduh 9 Magnitude ka jingkhlaiñ bor bad shibun ki ri jong ka pyrthei kin shah ktah la pyntip kitei ki stad saian.