[La rakhe ia ka International Women’s Day ha Chiehruphi East Jaintia Hills]
Ia ka sngi kyrpang jong ki longkmie ne ka International Women’s Day kaba la rakhe ha baroh shi tyllup ka pyrthei mynta ka sngi ia kane ka juh ka prokram la ioh ruh ban rakhe ha shnong Chiehruphi, East Jaintia Hills District.
Ia kane ka prokram la pynlong da ka ophis District Social Welfare, East Jaintia Hills District, Khliehriat halor ka phang “Gender Equality Today for a Sustainable Tomorrow”.
I kong R. Passah, District Social Welfare Officer, East Jaintia Hills District, Khliehriat ha ka jingkren pdiang ila ong ba ka sorkar lyngba ka tnad Social Welfare Department kala wanrah shibun ki skhim na ka bynta ban pynkup bor ia ki kynthei hapoh ka jylla bad ka ri hi baroh kawei. Ka kren ruh halor ka jingdonkam jong ki Self Help Group na ka bynta ban wanrah ia ki jingroi jingpar ia ki kynthei khamtam ha ki thain nongkyndong.
I kong Violet Lyngdoh iba dei i dkhot jong ka Meghalaya State Commission for Women i la ong ba ka jingaijait kmie jong ka jait bynriew kala pynkup bor lypa ia ki kynthei, ha kaba kila ioh ka bynta kaba kyrpang bad ki lah ban leh ki kam kiba kongsan ha la ka ïing ka sem bad ha ka imlang ka sahlang. Kala kyntu ia baroh ki kynthei kiba don lang ha kane ka jingialang ba kin long kiba bat ia ka akor ka burom ha la ïing la sem bad ha bar ruh kumjuh. Kum ki kynthei ki dei ruh ban don ka jingiatylli na ka bynta ban wanrah ia ka jingiaburom, ka jingpynshlur bad ka jingkyrshan lang iwei ia iwei pat na ka bynta ka jingmyntoi ha ka imlang ka sahlang.
Kiwei de ki phang kiba la kren ha kane ka prokram ki kynthup ia ka ‘Domestic Violence Act’, ki ‘OSC Schemes and Services’ ba la ai jingkren da i kong D. Lyngdoh, Nongsaitaiñ ka One Stop Centre (OSC), Khliehriat bad ka ‘Role of Women in the family’ ba la ai jingkren da i Sr. Maria Nongrum, FMA, Day Care Centre for Senior Citizens.
