U Deputy Commissioner ka West Jaintia Hills District mynta ka sngi ula pyntip ba katkum ka rule ba 15 (2) jong ka New Arms Rule, 2016 baroh kito ki lisen suloi ki bym don lang bad ka number UIN (Unique Identification Number) yn niew ia ki ki bym treikam shuh. Kumta u DC ula bthah ia baroh kiba bat ia ki lisen suloi ba kin wan rah ia ki lisen jong ki sha ka ophis mardor.
Ki nongbat lisen ki dei ruh ban wanrah lang ia ki Residential Certificate na ki Waheh Shnong, ki Epic bad 2 (ar) tylli ki dur Passport size khnang ba ka ophis kan ioh ban leh ia kaba donkam.