Ka Jaiñtia Student Union (JSU) ka phah iaka kyrwoh kaba shai sha ka JHADC ba ym dei ban siew tang shi bnai ar bnai ia ka tulop jong ki nongtrei dei ban siew lut na baroh katba dang sah na ka 30 klur kaba ka sorkar ka la ai ia ka bhah jong ka JHADC.
Ka seng ka la ong ruh ba ym dei ban pyndonkam lane pyniaid shuwa iaka pisa shane shatei namar kiwei ki kam lada ki dang sah kam da pher than hynrei ka tulop jong ki nongtrei ki hap ban siew noh baroh kaba dang sah bad ka seng kam sngew lah shah shuh ia ka ud jingnam ki nongtrei ka JHADC kiba duh tulop bad kane ka ktah iaka hok long briew ka jong ki bad ym ju don koit ba tang uwei ruh u briew u ba bylla lane trei kam trei jam ba ka tulop jong u, yn pynsah daki phew tylli ki bnai lane da ki snem bad kane ka ktah shibun iaka hok longbriew ki nongtrei ba lah kit iaka ram ka shah ban pyndap ha la ïing ka sem .
Ka JHADC kam dei shuh nangne sha khmat ban iai kyrduh pisa bad kadei ban pyllang bha na ki khajna kiba ka ioh lum bad kadei ban pyniaid beit pyniaid ryntih ia ki kam ka council namar ka rukom long ka JHADC ia mynta la i kum ba kan jah kyrteng noh namar ka rukom treikam ki nongpyniaid ka long kiba tlot palat bad kane ka pynlehraiñ ia ka Ri Jaiñtia baroh kawei.