Ki nongbam Khaw Ration kiba hap hapoh ka NFSA (AAY&PHH) ki dei ban don ia u Aadhar

U Deputy Commissioner (supply), West Jaintia Hills u la iathuh ba katkum ka jingbthah jong ka Sorkar (Government of India, Ministry of Consumer Affairs, Food & Public Distribution), ki nongbam khaw ration kiba hap hapoh ka NFSA (AAY & PHH) ki hap ban shim khaw da ka ba pyndonkam da ka e-pos machine. Ha ka juh ka por ka sorkar ka la pyntip ba ka lah ai por ban shondur Aadhaar na ka bynta ki nongbam khaw ration haduh ka 30^th September, 2024.

            Kumta na ka liang jong ka office u Deputy commissioner (Supply), Jowai ka la kyrpad ia kito ki nongbam khaw ration baroh ki bym don Aadhaar hynrei kiba dang kwah ban shim khaw ration ki hap ban leit shondur Aadhaar ha ka office jong u BDO (Laskein/Thadlaskein C & RD Block) lane pyntip sha ka office u Deputy commissioner shwa lane 8^th August, 2024 khnang ba ka office kan leh ia kaba donkam.