Ka jingpynmih hukum jong ka sorkar India ba baroh ki nongtrei sorkar ki hap ban pynphai noh ia ki Card rashon hapoh jong une u bnai Iaiong mynta ka snem. Kane ka hukum ka treikam ruh na ka bynta jong ki nonghikai kiba trei kum ki Deficit bad Adhoc Teacher.
Na ka liang jong ka ophis Sub-Divisional Officer, Sohra Civil Sub-Division lyngba i Addl. Deputy Commissioner (Supply) ila pynmih ia ka hukum ba baroh ki nongtrei sorkar ba kynthup lang ia ki nonghikai Deficit bad Adhoc kiba don hapoh katei ka thaiñ, ki dei ban pynphai noh ia ki Card rashon kiba ki ju ioh ban pyndonkam baroh shikatta kiba dei na ka bhah jong u khaw AAY bad PHH hapoh jong ka skhim NFSA.
Ka tarik kaba khatduh ban pynphai ia kine ki Card ka long haduh ka 30/04/2025. Ia ki bym pynphai ia kine ki Card kin ngat ha ka jingpynshitom katkum ki kyndon aiñ jong ka sorkar.