U MLA ka South Shillong Constituency u Bah Sanbor Shullai hynne ka sngi ka 30 tarik Naiwieng 2024 u la pyllait paidbah ia ki project bapher bapher ba kynthup ia ki surok bad ki topum ba kot sha ka 10 klur 22 lakh tyngka.
Ha kane ka sngi la don ryngkat lang da ki officer ka tnad PWD, PHE, ki Rangbah Shnong, Seng Samla shnong, seng longkmie jong ki shnong bapher bapher kiba hap hapoh ka South Shillong Constituency bad kiwei kiwei.
Haba kren ha kane ka sngi na ka liang u Bah Shanbor MLA u la ong dei ban bud ia ki nuksa jong ki nongshong shnong jong ka South Shillong namar ki nongshong shnong kane ka constituency ki long kiba stad kiba iohi jngai, ki long kiba kloi ban ai jaka na ka bynta ka jingmyntoi jong ka shnong bad ka jong ki hi.
Shuh shuh u la ong ka dei ka jingkyrkhu bad ka jingialam lynti u Blei ban ai bor ban ai mynsiem ban trei na ka bynta ka jingdonkam jong ki paidbah kane ka constituency. U la ong ruh ba phi don bok ba phi don u kpa trai ym u panah, u pa trai u tip ia ka jingdonkam jong ki paidbah ka constituency bad ki paidbah ka South Shillong kim donkam ban khuslai ka surok ha jingthiah ka wan hi ong u bah Sanbor Shullai.