U Myntri ka tnad ka Metrology ka Sorkar jylla u Bah Sanbor Shullai ha ka 5 tarik Nohprah 2025 u la lum ia ka jingialang bad ki ophisar ki inspector ka tnad Metrology na ka bynta ban iakren sani haba iadei bad ka rukom treikam ka tnad Metrology.
Haba kren sha ki lad pathai khubor u la pynpaw ba ka ain Metrology ka don ban peit ioh don kano kano ka jingthew tuh haba iadei bad ki marbam kum u khaw, Petrol Diesel bad kiwei kiwei ki mar.
Nalor kata u la ong ba ka aiñ ka don ha kane ka tnad Metrology haba iadei bad ka jingthew tuh ia ki mar bad u kyrpad ia ki paidbah lada ka don kano kano ka jingthew tuh ki dei ban wanrah ia ka jingujor sha ka tnad Metrology bad ka tnad Metrology kan sa leh katkum ka aiñ ia kino kino ki dukan ne ki petrol pump, ki dukan dewbilat ne kino kino ki dukan ki jingdie jingthied man ka sngi bad ki paidbah ki dei ban iarap ia ka tnad ban wanrah ia ki ujor sha ka tnad Metrology khnang ba kin ioh ban lapdien ia ka jingthew tuh ha baroh ka jylla.
Nalor kata u bah Sanbor Shullai u la ong ruh ba na ka tnad Metrology ka la iakren ruh ban thung kam biang haba iadei bad ki kam Inspector.
Khatduh u la ong ba ki Inspector ka tnad Metrology ki dei ban trei hok ia ka kam bad ki dei ban leit jurip ia ki dukan la ki dei ki Petrol Pump ki Dukan marbam, ki Weight Bridge lane kino kino ki dukan kiba don ha ka jylla bad ki hap trei katkum ka kam ba la bynshet ha ki kum ki Inspector.
