Ka KSU Malki circle hynne ka sngi ka 30 tarik Naiwieng 2024 ka la pynkup burom ia ki samla pule kiba pass ha ki jingpule bapher bapher bad ha kane ka sngi la wan ban don ryngkat da u President Rangbah jong ka KSU Samla lambokstar Marngar kum u kongsan ha ka jingiadon ryngkat ki nongkitkam ka KSU sengkmie bad ki dkhot ka KSU Malki circle.
Haba kren ha kane ka sngi na ka liang u President jong ka KSU u samla lambok Marngar u la ong ba ki samla ki dei ka lawei jong ka ri bad ka jaitbynriew to long maphi kita ki nongbteng ban pynbha ia ka imlang ka sahlang. Ka jingthoh jong u myllung Soso Tham kawei na ki kyntien ngin sa long ki nongtong um jong no re jong no kam dei ba u kren jemdaw ia ka jaitbynriew jong ngi hynrei u kyrsiew thiah ia ka jaitbynriew jong ngi.
Shuh shuh u la ong “Ha ka imlang sahlang ha ka ri bad ka jaitbynriew hynniewtrep baroh kawei ngi donkam ia baroh ki shympriah ka kti ka mon ka kti ka kadiang ia kaba ngi la ban tei pat ia ka jaitbynriew jong ngi kiba lah ban ialeh da ka bor met ai kin ialeh kiba lah da ka bor jabieng ai kin iakhun hynrei tang kawei ngin long kum ka team kiban iakhun ia kita ki jingsniew kiba sdang ban lynshop ia ka ri bad ka jaitbynriew jong ngi”.
