Ka Deputy Commissioner jong ka East Khasi Hills District ka kong I. Laloo, IAS kala pynmih ia ka hukum mynta ka sngi ba kan don ka jingkhang ban die kyiad ne ka sngi tyrkhong kyiad ha baroh ki bynta jong ka East Khasi Hills District.
Kine ki sngi tyrkhong kyiad ki dei ha ka 24 bad 25 tarik u Nohprah 2022 kiba dei ki sngi rakhe ia ka jinglehkmen Khristmas bad ha ka 1 tarik u Kyllalyngkot 2023 kaba dei ka sngi lehkmen snem thymmai.
Kumta la btah ia baroh ki jaka die kyiad naduh ki nongdielang (Bonded Warehouses), ki wine store, ki dukan die khutia bad ki jaka die ia ki kyiad pyrsi ruh ki dei ban khang lut ha kitei ki 3 sngi ba la kdew haneng.