Mynta ka sngi ka kaiphod sorkar ka pyntip ba la don 101 ngut ki briew kiba dang iabit thymmai na ka jingpang Covid-19 kaba pynpaw ia ka jingkiew biang ka jingpang Covid-19 hapoh ka jylla.
Katkum ka kaiphod la iathuh ba kiba la ioh jingkoit ki don 80 ngut.
La don iwei ba khlad na kane ka jingpang bad ine i dei na East Garo Hills District.
Ka jingthmu jong ka sorkar haba pynmih ia ka kaiphod manla ka sngi ka long ban pyntip sha ki nongshong jong ka jylla ba kin long kiba husiar bad phikhir ialade ym ban kheiñ sting, khnang ban lait na kane ka jingpang kaba la kylla long ka khlam ha baroh kawei ka pyrhei iathuh ka khubor na ka tnad ka koit ka khiah jong ka sorkar jylla (Meghalaya).
