Ka Hynniewtrep Youth Council (HYC) mynta ka sngi ka 3 tarik Nailur ka la wan ban pyntip paidbah haba iadei bad ka jingkynrei u Drok hapoh ka Jylla.
Haba kren sha ki lad pathai khubor mynta ka sngi ha Shillong Press Club na ka liang u Enlang Sawain u ba dei u nongialam jong ka HYC bad haka juh ka por kum u nongwad RTI u la pyntip katkum ka Right to Information jong u snem 2023 bad 2024 ka seng ka la ioh ia ka jubab, lyngba ka budgets sanction kaba 6klur 90 lak bad na katei ka 6 klur 90 lak, ka pisa la dep pynlut, 6 klur 76 lak 6032 tynka, bad ka Sorkar ka la mang ruh sha ka Dream Project, 1 klur tyngka, u la ong ruh ba na ka katei ka 6 klur 90 lak ka Sorkar ka pynlut 20 lak ha ka Program Anti Narcotics Day kaba dei ka Program kaba shi sngi.
Shuh shuh utei u nongialam u la iathuh ba ka pisa la mang bun, balei pat ki nongdih Droks ha ka Jylla ki nang bun, kane ka pyni ia ka jingtlot jong ka Sorkar bad ka tnat pulit. Hynrei lada ka Seng ka iai khynra Droks na ka por sha ka por ka tnat pulit ka ju wan pyndik bad khot hajir ia ki dkhot ka Seng ba ki khynra Droks.
Ha ka jingkren ba khatduh u la pyntip ba ki nongdih Droks ha ka Jylla ki la kiew na ka 2 lakh sha ka 3 lakh, katkum ka jingtip ba ioh lum, kiwei ki Jylla ki lah ban pyntreikam hok ia ki Scheme bapher bapher haba iadei bad ki briew kiba kyrni dih Droks balei ka Sorkar Meghalaya ka eh ban pyntreikam hok ia ka Scheme kiba kyrni dih Droks, lada ka Sorkar ka lah ban pyntreikam hok ia ki kine ki Scheme ka lah ban tehlakam ia ki nongdih Droks ha ka Jylla jong ngi.