Ka Directorate of School Education & Literacy (DSEL), Government of Meghalaya dang shen ka la sdang ia ka jait prokram ba thymmai kata ban buh ia ki School Nutrition (Kitchen) Garden (SNG) da kaba pynlong ia ka 29 tarik u April 2024 kum ka Bag-less Day halor ka phang ‘Kitchen Gardening & Plantation’ ne ka jingthung ia ki jhur bad ki soh ba tei met ha ki kper kiba don ha ki skul, kiba pyntreikam ia ka bam ja sngi (PM POSHAN) kaba ju tip kum ka Mid-Day Meal.
Ha u snem 2023 ka jingdon jong kine ki kper SNG ka long tang 9% ha baroh ka jylla Meghalaya, hynrei tang ha ka shi sngi kata ha ka sngi ba rakhe ia kane ka sngi ka jingkiew ka jingdon jong kine ki kper ka la kot shaduh ka 40 % da ka jingpynmih da palat 3000 tylli SNG hapoh ka Jylla.
Na ka liang ki bor pyniaid kila ai jingmut ia kito ki skul, khamtam kiba don ha ki jaka sor, ba lada kim don khyndew ne jaka, ki lah ban thung ha ki khiew syntiew ne ha ki sder buh dohkha ruh. Ha ki katto katne ki bynta jong ki District ka tnat Horticulture bad ka Krishi Vigyan Kendra (KVK) kila mih shakhmat ban pynioh symbai bad sara jingthung ia ki skul bapher bapher. Ha katei ka sngi na ka liang ki DC, BDO ba ki SDSEO jong ki District bapher, ryngkat ki kmie ki kpa jong ki khynnah ruh kila iashim bynta lang.
Na ka liang ka tnad pule puthi ba dei peit ia kane ka kam ka buh ia ka thong ban kynjoh sha ka 100% ka jingbuh ia kine ki kper thung jingthuh ha ki skul ba pyntreikam ia ka PM POHSHAN hapoh ka Jylla.
