Halor ka jingjia jong ka jingpynbthei ia ki bom dynamite ha kawei na ki jaka tih dewïong beaiñ ha Myngsngat, Thangsko East Jaintia Hills ha ka 5 tarik Rymphang 2026, kala warah ia ka jingduh noh jong ki 25 ngut ki mynsiem briew bad mynsaw jur 8 ngut.
Katkum ka khubor ba la ioh na ka State Disaster Management Authority la iathuh ba kiba la iap ki la kot sha ka 25 ngut bad kiba mynsaw ki long 8 ngut haduh ka miet jong ka 6 tarik Rymphang 2026.
Na kine ki 25 ngut kynthup ruh ia u Kojin Koran uba la wan buh ha NEIGHRIM.
U Myntri ba khmih ia ka tnad Disaster u Bah Lakhmen Rymbui bad u Myntri ka tnad Koit ka khiah u Bah Wailadmiki Shylla, ka MLA ka Kong Santa Mary Shylla bad ki bor pyniaid District ki lah poi ha katei ka jaka.
Ki kynhun jong ka Search & Rescue Operation, NDRF, SDRF, SRT & BSF ki la sangeh shwa ia ka jingwad mynta ka sngi ka 6 tarik Naiwieng 2026 bad kin bteng biang lashai ka sngi ka 7 tarik Rymphang 2026.
