Ki samla pule kiba iakhih ha Bangladesh ki la leit ban thang ia ka patok kaba don ha Narsingdi District kaba dei ka jaka pdeng jong ka Bangladesh bad ki la pynlait lut ia baroh ki koidi da ki spah ngut kiba shah set along ha katei ka patok. Ki pulit ki la khang lut ia baroh ka jingialum paidbah ha katei ka ri na ka daw ka jingiakynad kaba jur kaba jia hynin ka sngi hynrei kam shym khanglad ia ki samla pule ban iakhih paidbah.
Haduh mynta ki don haduh 64 ngut kiba iap na kane ka jingiakynad na ka jingioh lum na ki Hospital bapher bapher. Katei ka jingiakynad ka lah mih na ka hukum jong ka High court ha ka 1 tarik Naitung 2024 la bthah ban ai bhah thungkam, shibynta na ka lai bynta ia baroh ki kam baheh sha ki khun ne ki ba haïing jong kito nongialeh laitluid bad katei ka rai ka la pynbitar ia ki khynnah pule ha katei ka Ri.
