Ka kaiphod sorkar kaba la pyllait mynta ka sngi kala pynpaw ba ki don sa 38 ngut ki briew kiba la ngat thymmai na u Covid-19 hapoh kane ka 24 kynta bad ki don pat 20 kiba la ioh jingkoit na kane ka jingpang. Kane kala kyntiew ia ka jingdon kiba pang sha ka 200 ngut hapoh ka Jylla.
Katkum ka kaiphod ka pat ba ka West Garo Hills District ka dei ka District kaba bun eh kiba ngat thymmai ki don haduh 20 ngut, bud sa ka East Khasi Hills District kaba don 11 ngut, na Ri Bhoi 3 ngut, na West Jaiñtia Hills 2 ngut bad na East Garo bad South West Garo ki don mar iwei iwei.
