Ka Federation of Khasi Jaiñtia & Garo People (FKJGP) East Jaiñtia Hills District lyngba ka kyrwoh khubor ba la phah da u Education Secretary Bah Prosperity Rymbai ka ai khublei kitbok kit rwiang sha baroh ki samla pule ka bri u hynñiewtrep, ki ban ïa khun ïaka Examination SSLC, HSSLC bad kiwei de ki exam mynta u snem.
Ka seng ka kyntu ïa baroh ki samla pule baroh ba kin trei shitom met bad mynsien ha ka jingpule ka jong ki bad khlem artatien ba ka jingtrei shitom ka jong ki kan wan rah ïa ka nam ka burom bad ïa ka iing ka sem ka shnong ka thaw bad ïa ka jaitbynriew hi baroh kawei.
Shuh shuh ka seng ka don ïa ka thong lyngba ki samla pule mynta jong ka bri u Hynñiewtrep kin ïoh ban bat ïa ki kyrdan ba kham shalor ha ki kam ki jam bapher bapher.