Ka seng Jaiñtia Women Awakening Movement (JWAM) lyngba ka kyrwoh bala phah daka President ka kong R. Shylla ka ai khublei bad kitbok kitrwiang īa baroh ki khynnah bad ki samla kiba don hapoh ka Rilum Jaiñtia bad ha ka jylla hi baroh kawei ki ban īakhun ïa ka eksamin SSLC bad HSSLC ha une u snem 2022 kaban sa sdang lashai la shi sngi.
Naduh kine ki snem bala leit ka pule puthi hapoh ka jylla ka lahiar bha naka daw ka pakhang shnong ban īakhun ïaka khlam pyrthei Covid- 19 hynrei mynta u snem pat ka lad kala plie ïaka tnad pule puthi bad ki khynnah pule kiba lapoi hakane ka kyrdan ba kin pynlong ïa kane ka eksamin naka bynta ban kyntiew iaka pule puthi hapoh ka jylla bad ka jait bynriew. Kumta ka seng ka kyntu ïa ki khynnah samla kiban īakhun ïa kane ka eksamin ba kin long kiba la khreh janai bha ban thoh khnang ba kin ïoh īa u soh jong ka jingjop.
Kim dei ban shu buh thong ialade tang kat ban pass, hynrei ban iabeh ïaki kyrdan kiba kham sha khmat khnang ba kin kham suk ban ioh ia ki jaka pule puthi jong ki ha ki kyndan kiba kham sha khmat. Namarba ki skull bad ki college ba pher ba pher ki pdiang shwa ïaki khynnah kiba wan kham sha khmat ha ki result jong ki.
Kumba long mynta ka Mobile Phone kadei kawei naki daw bah daw san kaba pynthut ïaki khynnah ban khreh kot lada kim nang ban pyndonkam ïaka por. Kumta ka seng ka kyntu ïaki khynnah samla bakin long kiba nang ban pyndonkam hok ïaki Mobile Phone ki jong ki hakum kane ka por ba donkam, bad kam dei ban long maw jynthut ïaka pule puthi jong ki.
Kaseng ka kyntu ruh, ba kim dei ban sngew sarong ba ki long kiba proh jabieng ne ki ba stad bad kim dei ban shaniah ha kata ka bok ka nusib hynrei dei tang ka jingtrei shitom bad ka jingminot keiñ kaba lah ban wanrah ïaka jingjop.