Ka KSU lyngba Ka Education Cell jong ka West Jaintia Hills District ka ai khublei bad kitbok kitrwiang sha baroh ki khynnah pule jong ka jylla khamtam ki para doh para snam kiba thoh ia ka Examination SSLC bad HSSLC jong u snem 2022. Ka seng ka pynpaw ba ka lawei jong ka Ri bad ka Jaitbynriew ka shong ha ka jingnang jingstad kaba ngi don hynrei ym ha ka jingbun paid.
Kumta ka KSU ka kyntu ia ki samla iakhun Exam ba kin minot bad trei shitom ha ki jingpule jong ki, khnang ba kin ioh ban kheit ia u soh ka jingtreishitom jong ki bad kin ioh ban wan rah ia nam bad burom ialade, ia ka ïing ka sem bad ia ka ri bad jaitbynriew.