Ka Lympung Ki Seng Kynthei, na East Khasi Hills, District ka pynpaw ka jingsngewkmen kaba khraw halor ka jingthung ka sorkar ïa ka kong Idashisha Nongrang, IPS kum kawei na ki khynthei ba nyngkong eh hapoh ka Jylla ban ïoh bat ïa ka kyrdan Director General of Police (DGP) jong ka jylla Meghalaya.
Na ka liang Ka Lympung Ki Seng Kynthei kala ai khublei kumjuh ïa ki bor sorkar kiba la ibit ïa ka kong Idashisha Nongrang ban shimti ïa kane ka kam, kaba long ruh shi bynta ban ai mynsiem ïa kiwei de ki para kynthei, ba maki ruh ki lah ban bat ïa kane ka kyrdan ha kine ki sngi ba mynta.
Ka seng ka ai ka jingkitbok kitrwai bad buh ka jingduwai ïaka kong Idashisha Nongrang ba kan nang kiew shaphrang na ka bynta ki kam ba bha ha ka jingshakri jong ka ïaka tnad Pulit ka Jylla, la pynkut ka kyrwoh bala phah na ka kong T. Phanbuh President Ka Lympung Ki Seng Kynthei.