Ka seng Jaiñtia Students’ Union (JSU) ka kitbok kitrwiang ïa ki khynnah pule ka jylla khamtam ïa ki paradoh parasnam ki ban sa thoh ïa ka eksam SSLC bad HSSLC jong une u snem 2024.
Ka seng lyngba kane ka kyrwoh ka phah ïa ka khubor sha ki samla pule ba kin leh bha ïaka eksam jong ki namar ka eksam Matric bad HSSLC ka dei kaba donkam tam ha ka jingpule baroh namar kadei ka eksam kaban ailad ban nang bteng shuh shuh ïaki jaid jingpule bapher bapher kham sha khmat.
Ka seng ka la kyntu ba baroh ki khynnah pule kim dei ban leh ne kheiñ sting ïa kine ki ar tylli ki eksam, lym kumta kan sa kylla long ka jingbabe ha ka jingim. Ia kito kiba leh bha ka lawei ba phyrnai ruh ka ap ïa ki.
Kumta ka seng ka kyntu ïaki khynnah pule ba kin minot thop bad pylleit jingmut shuwa haka pule kot bad thoh bha ïa ka eksam SSLC bad HSSLC bad ban ym pyllut por ha ki kamkai ban lait na ka jingbabe ha dien.