U bah Alexander Hek Laloo uba dei u MLA na ka Party BJP bad u Myntri Sorkar hapoh ka Jylla mynta ka kynti ula kloi ban long u kyrtong na kane ka Party ban iakhun ia ka Elekshon Member of Parliament sha ka ïing Dorbar thawaiñ Lok Sabha, haba pynpaw sha ki lad pathai khubor mynta ka sngi ha nongbah Shillong.
U bah Hek u la ong ba ha ki snem kiba la dep ula ju kyntait ban long u kyrtong MP na ka Party BJP, hynrei ha kane ka kynti kaba mynta ula pynpaw ba u la long uba la biang bad kloi ban iakhun lada ki bor kiba nalor jong ka Party ki mon ia u.
U la ong ba haduh mynta kila don kumba lai ngut kiba la pan ia ka tiket na ka BJP, hynrei haduh mynta ka Party kam pat la pynthikna iano kan ai tiket ban iakhun ia kane ka MP Elekshon, namar ba ki bor kiba nalor ki dang pynlong ia ka jingjurip kaba bniah ia uwei pa kawei kiba ban tiket na ka. Dei tad haduh ba ka Party kan lap ia u ne ka kyrtong kaba bit ne biang eh ia kane ka kam, te kan sa pynmih ia ka kyrteng, ong u bah Hek.
Shuh shuh u bah Hek ula pynpaw ba ka BJP kala trei shitom bha na ka bynta kane ka Elekshon MP miet la bad sngi ryngkat ka jingkyrmen ban khur ia ka jingjop na baroh ar tylli ki seat kata na ka Shillong Parliamentary bad Tura Parliamentary jong ka Jylla Meghalaya.
Katkum ka tyllong khubor bala iohlum ba ki kyrtong kiba la pan tiket na ka BJP haduh mynta ki kynthup ia ka kong Fenela Lyngdoh Nonglait, u bah Ernest Mawrie bad u bah AL Hek na Shillong Parliamentary katba na Tura Parliamentary pat u dang dei tang u Thomas Marak.