Ki Nongrep ka thaiñ Mawkynrew konstitwensi mynta ka sngi ka 28 tarik Nailar 2024, ki la ai khublei ia u MLA ka thaiñ u Bah Banteidor uba la ialam lynti ia ki Nongrep ban pynkiewdor biang ia u synsar.
Haba iakren sha ki lad pathai khubor mynta ka sngi ha Shillong Press Club, u Bah Bisko Nongspung u la ong ba ha ki snem ba la dep u synsar u hiar dor shaba palat bad na ka liang ki nongrep ki mad shibun ki jingeh bad kam iahap shuh ka bai sngi bai bylla haba iadei bad ka dor u synsar, hynrei da ka jingshimkhia u MLA ka thaiñ ki paid Nongrep ki la kmen ba u synsar u la kiew dor.
U Bah Bisko Nongspung President jong ki Broom Association jong ka Mawkynrew u pynpaw ia ka jingsngewkmen bad sngewnguh ia u MLA ka thaiñ bad u kyrmen skhem nangne shakhmat kat lah kat iai ba ki kyrmen ba u synshar un poi dor noh sha ka 100 tyngka ban iahap bad ka bai trei bai ktah jong ki nongrep baroh.