Ka seng FKJGP-East Jaintia Hills District ka la leit ai jingkyrshan pura ia ka Dorbar Shnong Thangskai mynta ka sngi 31/03/2022 ban leit khang shisyndon ia ka Dalmia Cements Ltd namar ba kam patiaw ia ki jingdawa jong ka Shnong ban pyndam noh shisyndon ban thang ñiut ne wanrah ñiut na kiwei kiwei ki jylla hapoh u pud u sam jong ka Dorbar shnong.
Hadien ba ka Dorbar Shnong Thangskai bad ka seng FKJGP-EJH ki la khang ia ka Dalmia Cement Ltd kumba shiteng sngi eiei, na ka liang ki bor pyniaid jong ka Dalmia hapoh ka jingialam jong u ADE bad ha ka jingiadon ryngkat u bah S. Marwein, Magistrate East Jaintia Hills District ki la kular ha khmat ki nongialam jong ka Dorbar shnong bad ki nongialam ka FKJGP-EJH ba kin pynsangeh noh shisyndon ia kane ka RDF process plant (Plastic waste) bad kular ba kin nym wanrah shuh kum kine ki jaboh jabain (waste product materials) nangne shakhmat. Bad ia kane ka jingkular ka company ka la ai ruh da ka jingthoh sha ka Dorbar Shnong.
