Ki Nongialam Shnong jong ka Wapung Skur hynne ka sngi ka 14 tarik Ïaiong 2025 ki la wan iakynduh ia u Member Secretary ka Meghalaya Pollution Control Board u Dr GH Chyrmang halor ka jingweng noh u Dolloi ka Elaka Jowai bad kumjuh ka NOC na u Waheh shnong ka Shnong Mookhep na ka bynta ban shna karkhana Coke ha ka shnong Wapung Skur.
Haba kren sha ki lad pathai khubor u Waheh Shnong ka Wapung Skur u Bah P Dkhar u la ong ba hadien ba la pynsngew ia kane ka jingweng ia ka NOC u Waheh shnong Mookhep bad u Dalloi ka Elaka Jowai na ka liang u member secretary ruh u la kular ban weng noh ia ka CTE na ka bynta ban shna karkhana Coke ha shnong Wapungskur.
