Ka JSU Ummulong Unit hapoh ka jingialam u President jong ka u samla Whymhasa Passah ryngkat u nongialam ka seng kmie u samla Nevercare Passah, ki lah leit ban kynduh khnang ia u Executive Engineer ka Central Division Jowai bad ai ruh da ka jingthoh ban dawa na ka tnat PWD ban shna noh da ka jingker ha shi lynter ka surok ha shnong Ummulong namar ka buh jingma lada ym don ka jingker khamatam ia ki khynnah skul kiba iaid ba ieng na u surokbah ban leit sha ki skul jong ki.
Na ka liang u Executive Engineer ka PWD u lah kular ban shimkhia ban pynurlong ia kane ka jingdawa ka seng na bynta ka jingmyntoi u paitbah hi baroh khamtam ki nongshong shnong bad ki khynnah skul jong kane ka thaiñ.