Ka JSU Laskein Block Circle ha ka jingialam u President Samla Dapmain Suchiang bad u General Secratery u samla Franky Shylla ryngkat u Finanance Secratety Chibaitlang Langstang bad ki dkhot ka seng ki la iakynduh ia u Home Minister halor ka mat ban dawa ban pyntreikam noh mardor ia Fire service hapoh ka shnong Raliang hapoh une hi u snem.
Ka seng kala ong ba jingbym don ka Fire service haba don jing jia kem ding ki ing ki nong shong ki mad shibun ki jing eh ban leit pan jing iarap naduh na Jowai.
Kumjuh ka seng kala dawa ruh naka sorkar ban pynkiew kyrdan ia ka Raliang Police Out Post sha ka Raliang Police Station namar naka por shaka por ka jing bun briew ka nang iai kiew tang ba ophis treikam ka dang neh kumjuh hi ka long kaba shitom iaka kane ka out post ban treikam khamtam iaki ba nongshong shnong ki ba jngai ki shem jingeh haba don ki jingjia ki ba shyrkhei ka long ka ba eh iaki police ban poi kloi sha ki jaka ba don jing jia bad khtah shibun iaka shong suk shngaiñ jong ki paitbah.
Kumta naka liang jong u Home Minister ula kular ruh iaka seng ka khlem da pynslem ba un shimkhia ia ki jing eh jong ki paitbah hapoh kane ka thaiñ .