Ka seng Meghalaya People United Front (MPUF) East Jaintia Hills District, hapoh ka jingialam u President ka seng u ma Kyrshan Blah, u General Secretary sengkmie u ma Aimon Syad lem bad ki dkhot, ki la ai jingthoh ha u myntri ka jylla ba dei peit ia ka tnat Transport u ma Dasakhiat Lamare, ban dawa buh ia u Motor Vehicle Inspector (MVI) ha ka ophis jong ka District Transports ka East Jaintia Hills District.
U President ka seng ma Kyrshan Blah, u la ong ba kumba long mynta la kumba shisnem tam ei ei ka East Jaiñtia District kam don ia u MVI bad kane ka pynsuki bha ia jingtrei kam ha katei ka ophis ban pynpep ia ka jingdonkam ki paidbah ha ka liang ki kam kali motor jong ki.
Na ka liang u General Secretary ka MPUF sengkmie u ma Aimon Syad, u la ong ba hadien ka jingud jong ki paidbah ka District halor ka jingbym don u MVI, kumta na ka liang ka seng ka la dep ruh ban ai da ka jingthoh ban dawa na ka ophis jong u Commissioner of Transports Department, Shillong haka 12.04.2022, hynrei haduh mynta kam pat urlong satia, kumta mynta ka sngi ka seng kam ban khlem leit ia kynduh ia u myntri kane ka tnat, ha kaba naka liang u myntri ruh u la kular ban shimkhia ia kane ka kam.
Na ka liang u myntri ka tnat transports u ma Daskhait ruh u la pynpaw ruh ba ka dei hok ban don u MVI, hapoh katei ka District. Kumta ka seng ka pynpaw ka jingsngewnguh ia utei u myntri, u ba la shim khia ia kane ka kam na ka bynta ki jingsuk ki paidbah ka District khamtam ha kaba ia dei bad ki kot ki sla kiba ia dei kam bad ki kali.