Mynta ka sngi ka JSU Jowai Circle, hapoh ka jinglamkhmat u President Borntifulson Rupon ha ka jingsynrang lang u General Secretary Mewario bad u Finance Secretary u Wansalan Dame Patwet ki lah ioh ban ia kynduh ia u Myntri ka tnad P.H.E u Marcius N Marak ha ka jingiadei bad ka jingdawa ban maramot ia u surok Urkhla ba don ha Khimusniang Jowai.
Ha kane ka jingiakynduh na liang u Myntri ka PHE Marcuis Marak u la bynset ia kam ha u Chief Engineer ban pynbiang bad pynshna noh ia katei ka surok kaba la sniew jur la bun bun snem mynta. Kane ka surok ka dei kaba peit bad da ka tnad PHE bad ka poi shaduh sha ka jaka ba pynlang bad pynkhuid (Treatment plan) jong ka tnad P.H.E kaba don ha ka jaka ba la tip kum ka Urkhla ha shnong Khimusniang, Jowai.
Shuh shuh na ka liang jong u Myntri u la kular ia ka seng ban maramot noh mardor ia kane ka surok hadien ba la ioh ka Sanction bad marsien kut ka aiom Lyiur.
Na liang ka seng JSU Jowai Circle hadien bala kynduh ia u Minister mynta ka sngi ka la pynpaw ia ka jingsngewhun ia ka jingshimkhia jong u Minster uba la wan peit bad jurip dalade ia kane ka surok. Na ka liang ka seng kan nang iai bud dien ia kane ka mat jingdawa kumba la kular da u Minster ba dei peit ia ka tnad PHE haduh ba kan da urlong.
Ha kane ka sngi la synran lang ia u Myntri da u MLA ka Jowai u ma Wailadmiki Shylla, u Chief Engineer, PHE, u Superintending Engineer (PHE), Electrical Circle, Shillong, Executive Engineer (PHE), Electrical Division, Jowai, bad u Sub-Divisional Officer (PHE), Electrical Sub-Division, Jowai.