U Senior Adviser ka Jaiñtia Students’ Union (JSU) Central Body samla Dapmain Suchiang mynta ka sngi Palei 5 tarik ula leit kynduh ïa u myntri ka sorkar jylla ba dei peit ïa ka tnad Art & Culture u ma Sanbor Shullai halor ka jingtei ïa u mot sahnam jong u Woh Kiang Nangbah ha Jowai mar pyrshah ka Kiang Nangbah College.
U samla Dapmain Suchiang u la iathuh ba ka jingïakren bad u Myntri sorkar ha nongbah Shillong ula pynsngew ba ka long kaba seisoh, da kaba ïathuh shuh shuh ba ka kam mynta kala long kaba ïaid shait shait ban tei noh ïa u mot sahnam u Khlawait ka Ri-Lum Jaiñtia u Woh Kiang Nangbah.
Haka juh ka por u Myntri ula kular ruh ïa ka JSU, ba ka jingsdang ban pyntrei ïa kane ka kam ka long mynta hi u snem 2026.
