u Myntri Rangbah ka jylla u Conrad K Sangma mynta ka sngi ka 24 tarik Jylliew u la aiti ia ka Grants-In-Aid sha ki tnad ialehkai bapher bapher ka jylla kum ka dak ban pynkhreh ia ka 39th National Games ka ban sa long ha u snem 2027 ha jylla.
Ha kane ka sngi u Myntri Rangbah ka jylla u Conrad k Sangma u la aiti ia ka pisa kaba ₹39,17,64,000 (Laiphew Khyndai Klur, khathynniew Lak, Hynriewphew saw hajar) sha ka Team Meghalaya, kaba kynthup ia ka Meghalaya State Olympic Association (MSOA) bad 26 tylli ki seng ialehkai bapher bapher.
U Myntri Rangbah u la ong ba kane ka jingthmu kam dei tang ka jingai pisa, hynrei ka dei ruh ka jingshaniah. U la pynpaw ia ka rai jong ka sorkar ban aiti beit beit ia ka jingkitkhlieh sha ki seng, da kaba ngeit ba ki tip bha ia kaei kaba donkam.
U la buh ruh ïa ka thong ïa ka jylla ban ïoh khur ym duna ïa ka 50 tylli ki takma ha ka jingïalehkai 39th National Games 2027.
U la bynrap ka jingpynkhreh kloi bad ka jingbei tyngka ka long kaba kongsan. Kane ka prokram ka dei shi bynta jong ka jingthmu ba jngai ban kyntiew ïa ka tnad ïalehkai ha jylla.
Haba pynpaw ba ïa ka National Games ym dei ban kheiñ kum ka jingïalehkai kaba tang shisien ïalehkai, hynrei kum ka jingïaid lynti, u la ong, “Kane ka jingkyrshan ka long ban tei ïa ka nongrim kaba skhem bad kaba neh na ka bynta ka jingïalehkai ha Meghalaya.”
U myntri ka tnad ialehkai u Shakliar Warjri u la batai ia katei ka sngi kum ka sngi kaba sahnam, da kaba pynpaw ba ia kane ka kyrdan jingkyrshan bad jinglaitluid ym pat ju ai mynno mynno ruh ia ka seng ialehkai.
U la ong ba ka sorkar ka pyni ia ka jingshimkhia jong ka ym tang da ka ktien hynrei da ki kam ba shisha.
