Ki Nongialam jong ka Shnat Hima Mawtamur ba kynthup ia u Sirdar ka Shnat Hima Nongwah Mawtamur u Estansing Jana bad u nongaibuit u Bah Rasting Well Thabah ki la thmu ban die ia ka jaka na Umsaliang Shaduh Umshru ha ka dor 700 klur tam bad ka jaka kaba long 2000 akar.
Haba kren sha ki lad pathai khubor u Bah PF. Nongrang uba dei u Secretary ka Shnat Hima Nongwah Mawtamur Sohïong lyngdohship u la iathuh shai ba u Bah Estansing Jana Nongbet Sirdarship Shnat Hima Nongwah Mawtamur Sohiong Lyngdohship bad u Bah Rastingwell L.Thabah Nongaibuid ki la thmu ban die ia katei ka jaka kumba 700 klur sha ki shipai BSF bad thmu ban ia sam mar 5 klur tyngka bad katba tam yn buh ha ka fund ka Hima.
U la kynnoh ba U Bah Estansing Jana Nongbet bad u Bah Rastingwell L.Thabah, ki la pyrshang ban pynngop ia u Secretary ka shnat Hima Nongwah Mawtamur u Bah PF Nongrang ban die beit ia katei ka jaka na Umsaliang shaduh Umshru ha ka dor ba 700 klur.
Nalor kata u la kynnoh ba lada die ia katei ka jaka na Umsaliang sha Umshru yn ia sam mar 5 klur hynrei na ka liang u bah PF Nongrang Secretary u la kyntait bad ym treh bad pynlong ban record ia katei ka jingiakren haduh ban saphriang ha ki social media.
U Bah P.F.Nongrang ula kynnoh ba ba kitei ki ar Ngut kidei ki nongialam ba leh donbor hapoh ka Hima bad kila byrngem ruh ba kino kino ki bym kohnguh ia kane yn shah weng beit na ka jinglong Myntri hapoh ka shnat Nongwah Mawtamur.
