U Chief Minister ka jylla u Conrad K. Sangma haba kren mynta ka sngi ha ka jingialang kaba la pynlong ha U Soso Tham Auditorium ha nongbah Shillong ula ong ba ka sorkar kan pynioh ia ki M-Tabs ne ki PC Tablet sha kumba 35,000 ngut ki khynnah pule ha ki kyndan Higher Secondary kaba long shi bynta ban pynshlur ia ki samla ha ki jingpule lyngba ki kor ki bor ka juk mynta ne kita ki Digital Learning.
U Conrad u kyntu ia ki khynnah skul ba ki dei ban long kiba kloi ban shim kabu lyngba kine ki jingstad jong ka tekhnoloji ba mynta, khnang ba kan iarap ban pynbha ia ka pule puthi jong ki da kaba kin pyndonkam hok ia kine ki kor kila ka sorkar kan ai ia ki.
Na ka bynta ban pynioh ia ka internet kaba kaba biang hapoh ka jylla u Conrad ula ong ba ka sorkar kan la pynlait paidbah ia ka State wide Area Network (SWAN) ka ban iarap ia ki jaka pule ban ioh ia ka internet kaba biang.
Ha kane ka jingialang u Chief Minister ryngkat bad u bah Hamletson Dohling myntri ba peit ia ka IT & Communication kila sam ia ki M-Tabs sha ki khynnah skul jong ka East Khasi Hills District.