Mynta ka sngi (24.6.2024) ki Pulit jong ka East Jaiñtia Hills District ki la ioh jingtip ba don arngut ki briew ryngkat ka wei ka kynthei kiba iaid lynti da ka wei ka kali private Hyundai venue ka don ia u number AS 01 EJ 8977 ki ba dang wan na ki Thaiñ Silchar bad ki la rah ryngkat ia ki mar beaiñ. Haka jing ia talasi kali jong ki Pulit ha shnong Umtyra, East Jaintia Hills hapoh ka jinngialam u Bidhan Bhattacharjee Dy.SPCrime Khliehriat ryngkat bad ka kynhun ANTF ki la bat ia ka tei ka kali bad ha ka jingkhynra ki la ioh kurup 15tylli ki synduk sabon ba don ia u powder ba rong stem ha ba la test ia u ne u powder la lap ba u dei u drok Heroin u ba don jingkhia 164 .99 GM’s
Ha ka jingtoh kit jong ki Pulit ki ne ki briew ki la phla ba ia u ne u drok ki thmu ban leit ai ha ka wei ka briew ka ba kyrteng ka Mayawala,ka ba na Pynthorbah Shillong ka ba la ioh ban kem kham hadieh ha shnong Khliehriat.
Ha ka ba ia dei bad ka ne, ki Pulit ki la register case ha Khlieh Pulice Station bad ka jingtoh kit ia ki ne ki briew ka dang iaid shakhmat.
Ki kyrteng jong ki ne ki ba shah kem ki long u Sahin Hussain Laskar, na Nagdirgram Cachar Assam, u Rofiqul Alom Laskar,na Harsinghpur Nagdirgram Cachar Assam,ka Mamta Sinha, na Simgiri,Chibitabicha
Cachar Assam bad ka Maya Gwala
Pynthorbah Shillong.Ki pulit ki la kurup ruh ia lai tylli ki mobile phone.