Ha ka jingbud ryntih ia ki kyndon jong ka aiñ MMDR bad da kaba pynshong nongrim ha ka jingtip ba la ioh na ki tyllong khubor halor ka jingkynnoh ba la don ka jingtih beaiñ bad lumthup hapoh kawei ka khlaw ha shnong Lum Bangla, kaba hap ha East Jaintia Hills District na ka liang ka kynhun pulit na East Jaintia Hills ka la leit mar mar ban jurip ia katei ka jaka bad lap ia ka jingdon jong utei u dewiong.
Hadien ka jingjurip bniah la lap ba une u dewiong u don shabar jong ki jingbuh jingkhein ka sorkar. Kumta na ka liang ki Pulit kila kurup noh ia tei u dewiong bad pynkynriah sha ka jaka buh dewiong ba kyrpang jong ka company Coal India.
Katkum ka kaiphod jingkheiñ jingdiah ba la ai na u Divisional Mining Officer la iathuh ba une u dewiong u don baroh kumba 3000 MT.
Kane ka long katkum ka jingpyntip na u Deputy Commissioner, East Jaintia Hills District.
