Ka Dorbar Shnong jong ka Tympang Iawmusiang kaba la shong mynta ka janmiet kala shim ia ka rai ban khang shnong naduh ka por 6 baje mynstep jong ka 26 tarik haduh ka 6 baje janmiet jong ka 27 tarik mynta u bnai kaba la shim rai mynta ka janmiet hadien ba la kut noh ka jingaipor jong ka ia ka sorkar halor ka jinglumthup jong ki ñiut ha ki bynta jong ka shnong.
Na ka liang ka Dorbar Shnong kam ym ailad shuh ia baroh ki nongshong die ban bret ia ki niut ha kitei ki jaka ba ki juh bret hynrei kidei ban kit khlieh ban pynlum pynlang ia ki ñiut ba mih na ki dukan jong ki. Kane ka kam dei tang ia ki nongshongdie hynrei ia kiwei de kumjuh ruh ia ki trai shong bad lada lap ia kiba leh pyrshah ia kane kin shah pynshitom da kaba aiti sha ka aiñ.
Ka DS Iawmusiang mynta ka sngi kala leit ujor FIR ia kiba briew bymlah ban ithuh kiba la pynhap ne bret biang ia ki ñiut ha jan KJP Thomas Jones College bad hajan ka Meghalaya Rural Bank, Jowai kiba don hapoh u pud jong ka Iawmusiang Jowai.
U waheh Shnong ka DS Iamusiang u ma Ajoy Lywait ha ka jingiadonlang ki nongkitkam bad dkhot shnong kila ong wat hadien ba ngi la ioh jingtip na u CEO ka Jowai Municipal Board (JMB), ba la dep kit ia ki ñuit bad la dep ruh ban sait ia kito ki jaka ba la pynlum ia ki ñiut da ka Firebrigade kumjuh ruh la dep ban siat dawai ne sanitize, hynrei la don biang ba wan bret ia ki ñiut ha katei k jaka. Shuh shuh ka ka DS Tympang Iawmusiang kala ong ba kane ka jingkhang ban bret pathar ia ki niut kan treikam katba ka JMB kam pat ioh jaka ban bret ia ki ñiut. Shuh shuh kala pynpaw ruh ba kane ka jingkhang ban bret ia ki ñiut hapoh shnong ka long hadien ba kiwei de ki Dorbar Shnong ruh ki ia khang ban bret ia ki ñiut sha ki jaka ba hap hapoh ka shnong jong ki.
