Ka jingiakop Karate ia kaba la tip kum ka “30th State Karate Championships” ba la pynlong da ka All Meghalaya Karate -Do Association (AMKA) ryngkat ka jingkyrshan jong ka Directorate of Sports and Youth Affairs (DSYA), Shillong ka la poi noh sha kaba kut hynnin ka sngi ka 9 Naiwieng. Ia kane ka lympung la sdang ha ka 7 Tarik mynta u bnai.
Ha kane ka jingiakob, ki nongialehkai na East Khasi Hills ki la kham paw bad lehkai bha kumba ju long man u snem. Kaba kham phylla bad itynnad ka long ba ki khynnah kiba naduh 6 snem ki la wan bad ïashim bynta ha kane jingiakob.
Ki jait jingialehkai ki long ha ka Thup (category) senior men (18+) 55 kg, hapoh 60 kg, 60 kg shajrong, Senior Women (18+) 45 kg, hapoh 50 kg, bad 50 kg shajrong, Junior (boys 16-17) 50 kg, hapoh 55 kg bad 55 kg shajrong, Junior (girls 16-17) hapoh 45 kg, hapoh 50 kg bad 50 kg shajrong kynthup ruh ha ka jingïalehkai shimet (Individual Kata).
