Ka Dorbar mang tyngka jong ka Jaiñtia Hills Autonomous District Council (JHADC) kaba la long lai sngi lynter naduh ka sngi Balang kala poi noh sha kaba kut mynta ka sngi Thohdieng 28 tarik u Lber, 2025 ïa kane ka Dorbar la pynïaid da u shongknor ka JHADC u Dr. Sankey Shangpung.
Ha kane ka sngi pynkut ka ïing dorbar kala pdiang ïa ka Mang tyngka jong u snem 2025-2026 kaba kot sha ka T.257,23,44,200/- (Arspah sanphew hynñiew klur, arphew lai lak, sawphew saw hajar, ar spah) tymgka.
Na ka bynta ki tnad treikam bapher bapher hapoh ka JHADC ki kynthup ïa ka General Administration T.13,28,10,200/-, Finance & Accounts T.31,75,15,400/-, Land Revenue & Land Reform T.11,46,19,600/-, Land Record & Land Settlement T.10,60,51,000/-, Taxation T.4,93,19,100/-, Forest T.15,59,69,800/-, Political Department: T.4,52,64,700/-, Civil Work T.100,15,34,800/-, Education T.25,75,94,700/-, Art and Cultural T.2,37,96,800/-, Market: T.20,36,00,400/-, Statistics and Information T.1,53,49,800/-, Stationary & Printing T.1,38,66,400/-, Planning T.1,24,21,400/-, Judicial T.3,25,38,900/-, Legislative T.7,54,90,300/-, Village and Town Admistration T.1.46,00,900/-.
Ka Dorbar ka la jied ïa u Deputy Chairman ba thymmai ka JHADC uba dei ruh u MDC ka 22- Musniang -Rngad u ma Wailad Dameshwa Siangshai uba la jop suk ïa kane ka shuki khlem da don ba ïakhun pyrshah. Na ka liang ka Dorbar naduh u CEM bad kiwei de ki MDC kila ai ka jingkitbok kitrwiang ïa utei u Deputy Chairman ba thymmai ba un dang lah ban pynïaid bha ïa ki kam ka Council shakhmat.
Ha kane ka sngi la wanrah ruh ïa ka Report treikam ka Comptroller and Auditor General of India na ka bynta u snem 2013-2014, 2014-2015, 2015-2016 & 2016-2017 bala pynsngew da u CEM ma Thombor Shiwat.
U CEM ula wanrah ïa ka Motion kaba ïadei bad ka jingthaw biang ïa ka Public Account Committee, JHADC, Jowai bad la thung Chairman ïa u ma A.A. Shullai (Leader of Opposition), ki Member ki kynthup ma M. Pariat (MDC), ma M.B. Rymbai (MDC), ma M. Sutnga (MDC) bad Secretary: (Secretary District Council).
Katba ka House Committee, JHADC, Jowai kynthup ïa u Chairman: Dr. S. Shangpung, Chairman JHADC, Vice-Chairman: Deputy Chairman ka JHADC, Member: ma Rikut Parein (MDC), ma Wormanship Shadap (MDC), ma Krison Langstang (MDC), ma Reformingson Lamare (MDC), bad Secretary: (Secretary District Council).