Ki paidbah ka thaiñ Namdong kila buh jingujor sha ka seng KSU halor ki jingeh ba ki iakynduh na ba ymdon doktor ha katei ka CHC la shi bnai mynta hadien ba i doctor Passah i la shim shuti.
Ka KSU Namdong Area Unit ka dap da ka jingsngewdiaw mynsiem ha ba na ka PHC lah dep kyntiew kyrdan sha ka CHC hynrei sngew lehrain ban ong ba lah dep upgrade ym don tang iwei i doctor ha kane ka jaka ai jingsumar, ki staff ba don hangne ruh kim lah ban pdiang nongpang namar ymdon doctor.
Ka seng kala dawa na ki bor ba halor lyngba ki ladpathai Khubor ban pynbiang mardor ia ki Doctor bad ki staff Nurse bad kiwei kiwei ki jingdonkam ha kane ka jaka ai jingsumar lym kumta kane ka CHC ka lah ban shah khang tala.
Ngim hun tang ia ka building baheh khlem ki nong trei ba biang, katkum ki rukom (procedure) trei kam jong ka PHC dei ban don ar ngut ki doctor hynrei ha Namdong tang iwei ym don balei kaei ka daw la buh jingkylli ka seng.
Kane ka long katkum ka kyrwoh Khubor na u General Secretary ka seng u samla Juhhi Tariang.