Ki nongïalam ka seng Jaiñtia Student Union (JSU), Khliehriat Circle ki la ïoh lad ban ïakynduh ïa u bah Paul Lyngdoh ryngkat ka jingdonlang u MLA ka thaiñ ma Kyrmen Shylla.
Na ka liang ka seng lyngba ki nongïalam jong ka kila ïa kynduh ïa u myntri ha ka sngi ba u leit plie ïaka jingkieng ïaid kjat ha ka shnong Sahksaw bad na liang ka seng ki la ai da ka dorkhas sha u myntri u bah Paul Lyngdoh kaba kila ai jingmut sha ka sorkar ban ai bhah bad bynta lang ïa ka East Jaiñtia ban ïoh shna ïa ka ïing sah bad sumar (Rehabilation Centre) ïa ki ba kyrni ha u droks namar kumba long mynta ka Distrik East Jaiñtia kadei kawei na ki jaka ba kham kynrei kiba dih droks.
La pynsngew ba ka dei ruh ka District kaba jur ka jingrung jingmih u droks shapoh ka jylla bad ka seng ka la pynsngew ba ka East Jaiñtia ka dei hok ban ïoh ïakane ka shlem jingsumar ïa kiba kyrñi droks khamtam ïaki khun samla ka thaiñ ba kin lait na une u jingdih pynbuaid u ba ïalam bakla ha ka jingim jong ki.
Na ka liang u myntri ka jylla uba dei peit ïa ka tnat Social Welfare u la shim khia ïakane ka jingai jingmut ka seng bad u la bthah ïa ki bor peit bor khmih ban wad jaka kaba biang ban ïoh buh kum kane ka shlem hapoh ka thaiñ, pynkut ka kyrwoh bala phah.