Ka Khasi student Union hapoh ka jingialam jong u President Sengkmie u Bah lambok star Marngar mynta ka sngi ka 25 tarik Risaw 2024 ki la wan iakynduh ia chief Secretary u Bah DP Wahlang halor ka rukum thung kam thung jam ha ka jylla. Haba kren sha ki lad pathai khubor na ka liang u bah Lambok Marngar President ka KSU Sengkmie u la ong ba ka jingwan kynduh jong ka KSU ia u Chief Secretary ka jylla ka dei halor ka mat kumno ban pynthymmai ia ka rukom thung kam ha ki district selection committee bapher bapher ha ka jylla u la ong ruh ba ka KSU kam kwah ba ka rukom thung kam thung jam kan long kaba khuid kaba suba tang ha Mpsc hynrei ka dei ban long khuid ha baroh ki department ba don ha ka sorkar naduh ki District selection committee. Ngi sngewtynnad ba u Chief Secretary u la pynpaw ba ka sorkar kan pynthymmai noh ia ka rukom thung kam ha ki kam sorkar. Shuh shuh u la ong ba ki vice chairman ne ki chairman jong ki district selection kim dei ban don jingiadei bad ki politicians ne ki political party.
Ngim kwah ba kino kino kiba ioh kam kin dei ki briew jong ki minister ne kino ki political party. Ia kiba dei hok ban ioh katkum ka jinglah jong ki ki dei ban ioh ia ka kam. Ngim kwah shuh ba nangne shakhmat kin dang don kita ki briew kiba shah thung ha ki minister ne ki kino kino ki political party.
Na ka liang ka KSU ngi pyntip ba ngi kwah ba ka rukom thung kam jam kan dei ban long kaba khuid bad ka rukom pynlong ia ki interview ruh ka dei ban long kaba khuid. Kino kino ki briew kiba apply ia kino kino ki post ki dei ban nang ia ki khasi bad ki dei ki briew jong ka jylla .
Ka sorkar kam lah ban thung kam lut ia baroh bad kano kano ka rukom thung kam thung jam kan dei ban long kaba khuid ba suba khnang ban pynhun ia ki samla kiba apply ia ki kam sorkar.
Ki don ki samla ki ba la pyndep ia ki jingpule bapher bapher hynrei por ba apply ia ki kam ki duh mynsiem namar ba kim don ia ki briew ba ithuh kum kita ki dei ban pynduh noh.
Ki tbit ki dei ban ioh hok ia ka kam khlem don nong khynniat da mano mano re khnang ba kan long kaba khuid ba suba ha ka thep kam thep jam.