Ki iew ha Iewduh bad Khyndailad (PB) ha ka 28 tarik ïaiong ka la kynjah jar kum ka dak ban ïa don bynta lang bad kito ki 26 ngut ki mynsiem ba lui lui kiba la shah siat ïap ha ki lehnoh ha Pahalgam, Jammu Kashmir.
Ki dukan kiba iashim bynta ha kane ka sngi ban iasnohkti lang ki kynthup naduh ki thain Polo, Keating Road, Khyndailad, G S Road ter ter shaduh Mothphran bad ki don katto katne ki dukan kum ki basa diedoh, kwai bad tympew ba shong ki Khasi ki ia plie.
Lah ban ong ba kane ka jingkhot phah khang ïa ki dukan la kyntu da ka Barabazar Merchants and Shopkeepers Association bad ka Shillong Citizens Forum ki la phah ruh ïa ka dorkhas sha u Myntri Rangbah Duh ka Ri bad sha u Myntri Rangbah ka Meghalaya ba kin shim da kaba tyngeh pyrshah ïa ki lehnoh kiba la siat ïap ïa ki nongwan jngohkai ha Pahalgam.
