Haduh mynta ka sngi ki Pulit jong ka East Jaiñtia Hills District kila ioh ban kem haduh 3 ngut ki briew kiba la suba ba ki donkti ha kaba shoh pyniap ia ki saw ngut ki briew kaba la jia ha ka 6 tarik mynta u bnai ha ka shnong Umpleng, East Jaiñtia Hills.
Ki Pulit jong ka East Jaiñtia Hills Hadien ba kila ioh jingtip halor ka jingshah pyniap ki saw ngut ki briew ha ka shnong Umpleng kaba la jia ha ka 6 tarik mynta u bnai kila register case ia kane ka jingjia ha Khliehriat Police Station katkum ka Case No.49(07)2024 u/s 103/3(5) BNS.
Ki Pulit kila trei shitom ban iohkem ia baroh ki ba donkti ban shim ia ka jingim jong kitei ki saw ngut ki briew. Haduh mynta ka sngi ki Pulit kila ioh ban kem haduh 3 ngut. Ia ka kyrteng bad ka jaka shong jaka sah jong kine kiba la shah kem ki Pulit ki dang buhrieh namar ba ki ong ba ki dang pynlong ka jingtohkit ban lap ksai sa ia kiwei pat kiba donkti.
Kane ka long katkum ka khubor kaba la pyllait da u Superintendent of Police jong ka East Jaiñtia Hills District, Khliehriat.