Ka seng AJYWO East Jaiñtia Zone, hapoh ka jingialam jong u Heatermoon Ryngkhlem kum u President jong ka, mynta ka sngi, ha ka por mynstep, ha ryngkat bad kiwei pat ki nongialam na kiwei pat ki sengbhalang bapher bapher kiba don ha East Jaintia Hills, kumba la ju leh man la u snem, kum ka dak jong ka jingkynmaw burom bad jingkynmaw ieit ia u Kiang Nangbah, u khlawait nongialeh laitluid bakhraw tam jong ka Ri Jaiñtia, ka juh hi mynta ka sngi ruh, kaba ba dei artad ka lyngkhuh sngi iap kaba 159 snem jong u tei u riew khraw jong ka Ri Pnar, ka la leit buh syntiew ha u motdur sah jingkynmaw ieit jong u tei u khun dapshyrang jong ka jaidbynriew Hynñiewtrep, ia uba la tei ha khmat ka ïing trei kam jong u Deputy Commissioner jong ka East Jaintia Hills District.
Ha shwa ban ia buh syntiew, la ioh ia ki jingkren lyngkot kiba ia dei ba katei ka sngi, na ki nongialam ba pher bapher jong ki sengbhalang kiba la ia donlang mynta ka sngi, ha kaba hadien kitei ki jingkren, la pynbud pat sa da ka jingiabuh syntiew ionglang ha kjat jong utei u motdur jong utei u khlawait jong ka Ri Jaiñtia.
