Ka 30 tarik Kmaichonglad (December) ka dei ka sngi iap u Kiang Nangbah Khlawait ka Ri 12 Dolloi ha kaba la phasi ia u da ki Shipai ka Sorkar Phareng ha u snem 1862.
Kumta hapoh ka Bri u Niawtrep Niawskum kum ka dak jong ka jingsngewsnguh Makhane ia ki kam ba khraw ba u Kiang Nangbah ula leh ia ka Ri bad ka jaitbynriew jong ki pateng ka juk ba mynta, kumta ha kylleng ki shnong ki thaw la pynlong ia kane ka jingkynmaw burom lyngba ki prokram bapher bapher.
Ha une u snem ka Loomkyrwiang Dorbar Chnong ruh ha ka thong ban khring bad pynrung ha ki jingmut jingpyrkhat jong ki briew nongshong shnong shaphang u Kiang Nangbah, ha ka janmiet jong ka 30 tarik December kala pynlong ia ka jingiakynduh lang ki para nongshong shnong ha Yungwalieh ban burom ia kane ka sngi kyrpang u Kiang Nangbah.
Ia ka jingialang la pyniaid da u ma Daioolang Pakma uba dei u Symbood Waheh Chnong, la ioh ruh ka jingsngap jar kaba shipor kum ka daw ban kynmaw ieit ia u Kiang Nangbah bad kumjuh ia kiwei de ki Nongialeh laitluid bad bud sa ka ngoohblai da u ma S.D. Laloo uba dei u General Seretary LDCJ. La ioh ia ka jingkren bad ka jingiathuh khana shaphang u Kiang Nangbah da u ma Lammat-O Laloo uba dei u Waheh Chnong ka LDCJ. La ioh ruh ka jingkren ai mynsiem ia ki khun ka Dorbar Chnong da u kongsan ma Roskil Challam, uba dei u SDO- PHE Electrical Division, Jowai. Ia ki kyntien ai khublei la ioh na ka Samhakani Laloo, Secretary WWO LDCJ.
Ha kane ka prokram la don ruh ka jingsam ia ki prais sha ki nongjop ha ki jingiakop thoh poitri bad dro dur shaphang u Kiang Nangbah.
